پنجاب اوورسیز پاکستانیز کمیشن کے آفس میں سمندر پار مقیم پاکستانیوں کے مسائل و شکایات کے فوری ازالہ کیلئے ای-کچہری کا انعقاد کیا گیا،
وائس چیئرپرسن پنجاب او پی سی بیرسٹر امجد ملک نے بذریعہ ویڈیو لنک ای-کچہری کی صدارت کی، انھوں نے جرمنی، فرانس، ناروے، یوکے، امریکہ،سعودی عرب، یو اے ای، کویت، بحرین اور دنیا کے دیگر ممالک میں موجود اوورسیز پاکستانیوں کے مسائل کو سُنا، اور جاری پیشرفت کا جائزہ لیتے ہوئے متعلقہ افسران کو موقع پر ہدایات جاری کیں،
وائس چیئرپرسن بیرسٹر امجد ملک نے اوورسیز پاکستانیوں کی فلاح و بہبود کے حوالے سے پیش کردہ مطالبات، تجاویز کو بھی بغور سُنا، انھوں نےمتعلقہ فورم اور محکموں کے ساتھ اشتراک و تعاون کی یقین دہانی کراتے ہوئے ٹھوس اقدامات اٹھائے جانے کے عزم کا اعادہ کیا،
بیرسٹر امجد ملک کا کہنا تھا کہ پنجاب او پی سی اوورسیز پاکستانیوں کے مسائل و شکایات کے فوری حل کیلئے اپنا فعال کردار ادا کر رہا ہے اور اس حوالے سے جامع میکانزم ترتیب دیا گیا ہے،
ای-کچہری میں پنجاب او پی سی کےڈیلنگ افسران نے بھی شرکت کی اور اوورسیز پاکستانیوں کی شکایات کے حل کے حوالے سے جاری پیشرفت اور محکمانہ اقدامات سے آگاہ کیا،
