مورخہ 18 جنوری کو سمندر پار مقیم پاکستانیوں کے مسائل کےحوالے سے جذبہ انٹرنیشنل کے زیر اہتمام بین الاقوامی ویب نار کا اہتمام کیا گیا جس کے مہمان خصوصی اوورسیز پاکستانیز کمشن پنجاب کے وائس چئیرمین بیرسٹر امجد ملک تھے ۔ اس ویب نار میں برطانیہ جرمنی ، اٹلی اسپین ، سویڈن ، فرانس ، سوئٹزر لینڈ ، یونان اور دیگر یورپی ممالک میں مقیم پاکستانی نمائندگان نے شرکت کی ۔ اور اپنے اپنے ممالک میں مقیم اوورسیز پاکستانیوں کے مسائل پیش کئے ۔ بیرسٹر امجد ملک کا کہنا تھا کہ ہم اوورسیز پاکستانیز کمشن پنجاب کو موثر اور فعال بنائیں گے ۔ نہ صرف یورپ بلکہ دنیا بھر میں موجود سمندر پا ر مقیم پاکستانیوں کے مسائل حل کرنے میں اپنی تمام تر توانائیاں بروئے کار لائیں گے ۔ ۔ بیرسٹر امجد ملک کا کہنا تھا کہ ہم پاکستان کے تمام اضلاع میں او پی سی کی ذیلی کمیٹیاں اور دنیا بھر میں مقیم اوورسیز کی ایڈوائزری کمیٹیاں تشکیل دیں گے ۔ ان کا کہنا تھا کہ اوور سیز پاکستانیز کمیشن پنجاب کی ویب سائیٹ کے ذریعے سائلین تک برائے راست رابطے کو یقینی بنائیں گے اورمڈل مین کی ضرورت نہیں ہوگی۔ ہم اوپی سی کو تمام اوورسیز کا ادارہ بنائیں گے ۔ پرائیویسی کے اصولوں کے تحت کسی بھی اوورسیز پاکستانی کا کسی بھی سیاسی ، مذہبی یا علاقائی رجحان ہم سے رابطے میں رکاوٹ نہیں بنے گا اور او پی سی کے دروازے سب کے لئے بلا تفریق کھلےرہیں گے ۔ انہوں نے جذبہ نیوز کے چیف ایڈیٹر اعجاز پیارا اور جذبہ ٹی وی کے جنرل منیجر محمود اصغر چودھری کا شکریہ ادا کیا کہ جنہوں نے ان ویب نار کی وساطت سے یورپ بھر میں مقیم پاکستانی راہنماؤں سے ورچوئیل ملاقات کرنے اور ان کے مسائل سننے کا اہتمام کیاویب نار میں پورے یورپ کی نمائندگی موجود تھی سپین سے ممتاز کاروباری و سماجی شخصیت چودھری محمد سلیم لنگڑیال ، سیکرٹری نشر و اشاعت پی پی پی حافظ عبدارزاق صادق ، بانی ٹیکسی ایسوسی ایشن بارسلوناشہزاد اکبر وڑائچ ، صدر پی او اے ایف سپین ، چودھری امجد تھلہ ، جرمنی سے ماہر امیگریشن ایڈووکیٹ زبیر احمد،جنرل سیکرٹری ادارہ پاک دارالسلام ، شعیب جٹ ، چودھری احسان الہی پاک جرمن ویلفیئر سوسائیٹی ، سعود بن نعمان ، ڈاکٹر تسنیم سعید، حاجی نذر حسین ، فرانس سے معروف صحافی صاحبزادہ عتیق ، چودھری مظہر، ممتاز بزنس مین سر دار ظہور، اٹلی سے صدر پاک فیڈریشن آصف رضا، کوارڈینیٹر پی او اے ایف ملک حفیظ، سویڈن سے ممتاز شاعر و ادیب نصیر احمد ملک ۔ صدر ادارہ منہاج القرآن عمران حیدر، یونان سے صدر پاکستان پیپلز پارٹی چودھری شبیر دھامہ ، جنرل سیکرٹری مسلم لیگ ق مدثر خادم سوہل ، سوئٹزر لینڈ سے صحافی عمران مزمل ، چیف آرگنائزر پی او اے ایف چودھری جاوید ٹانڈہ ، آسٹریا سے فاروق چودھری ، علی شرافت مسلم لیگ ن ، کے علاوہ دیگر شرکاء نے مہمان خصوصی کو مسائل پیش کئے جن میں مختلف یورپی ممالک کے ساتھ دوہری شہریت کے قوانین کو بہتر بنانے ، پاکستان میں جائیدادوں پر قبضے چھڑوانے ، خاندانی جھگڑوں میں پولیس ، اوردیگر محکموں سے وابستہ مسائل ، ائیرپور ٹ پر بے جا چیکنگ اور اوورسیز کی ڈیڈ باڈیز پاکستان بھجوانے سمیت دیگر مسائل شامل تھے ۔ بیرسٹر امجد ملک کا کہنا تھا کہ پی آئی اے کی یورپ میں بحالی سے بہت سے مسائل میں کمی واقع ہوگی۔ انفرادی مسائل کے حوالے سے ان کا کہنا تھا کہ وہ اپنا ذاتی نمبر اور او پی سی کی ویب سائٹ سب کو مہیا کر رہے ہیں ۔ انہوں نے اس عزم کا اظہار کیا کہ وہ ایسی کھلی کچہریاں اور ویب نار کا اہتمام کرتے رہیں گے جن میں انہیں برائے راست مسائل سننے کا موقع ملے گا ۔ آخر میں تمام شرکاء نے بیرسٹر امجد ملک کے ساتھ تعاون کا اعادہ کیا اور او پی سی کو متحرک کرنے پر ان کی خدمات کو سراہا شرکا ء کا کہنا تھا کہ جس طرح بیرسٹر امجد ملک نے او پی ایف کے پلیٹ فارم سے بہترین کارکردگی دکھائی تھی امید ہے اسی طرح وہ او پی سی کو بھی اوورسیز پاکستانیوں کا موثر پلیٹ فارم بنائیں گے تمام شرکاءنے جذبہ نیوز کی جانب سے اس ویب نار کا شکریہ ادا کیاکے اہتمام پر چودھری اعجاز پیارا اور محمود اصغر چودھری
