بیرسٹر امجد ملک نے بحرین میں پاکستانی سفارتخانہ کی جانب سے ملک کی تعمیر وترقی کےلئے کی جانے والی کوششوں ،پاکستانی کمیونٹی کوعمدہ سہولیات کی فراہمی کو سراہا منامہ(این این آئی) وائس چیئرمین اوورسیز پاکستانیز کمیشن پنجاب بیرسٹر امجد ملک نے بحرین میں پاکستانی سفارتخانے میں پاکستانی سفیر ثاقب رﺅف سے ملاقات کی جس میں پاکستانی کمیونٹی سے متعلق اموراورملک کی ساکھ مزید بہتر بنانے پر تبادلہ خیال کیا گیا ۔ پیر کو وائس چیئرمین اوورسیز پاکستانیز کمیشن پنجاب بیرسٹر امجد ملک نے بحرین میں پاکستانی سفارتخانے کا دورہ کیا ، پاکستانی سفیر ثاقب رﺅف کے ساتھ پاکستانی کمیونٹی سے متعلق اموراورملک کی ساکھ مزید بہتر بنانے پر تبادلہ خیال کیا ۔انہوںنے بحرین میں پاکستانی کمیوٹنی کو پاکستانی سفارتخانے کی جانب سے فراہم کی جانے والی سہولیات اور مسائل کے حل کےلئے کی جانے والی کوششوں سے آگاہی حاصل کی ۔ملاقات میں پاکستانی سفیر کے علاوہ سینئر سٹاف ارکان بھی موجود تھے ۔بیرسٹر امجد ملک نے بحرین میں پاکستانی سفارتخانہ کی جانب سے ملک کی تعمیر وترقی کےلئے کی جانے والی کوششوں ،پاکستانی کمیونٹی کوعمدہ سہولیات کی فراہمی کو سراہا ۔
