ائس چیئرمین اوورسیز پاکستانیز کمیشن بیرسٹر امجد ملک سے چیئرمین لیگل ایجوکیشن اینڈ اے ڈی آر کمیٹی حسیب اللہ خان کی سربراہی میں وفد نے ملاقات کی۔ ملاقات میں لیگل ایجوکیشن اینڈ اے ڈی آر کے عہدیداران وائس چیئرمینوں امبرین ملک، نائلہ نورین، ذکا الرحمن، سلمی نیازی، اور کوآرڈینیٹرز حماد ارشاد اور قمر مقصود موجود تھے۔ چیئرمین لیگل ایجوکیشن اینڈ اے ڈی آر کمیٹی حسیب اللہ خان نے وائس چیئرمین اوورسیز پاکستانیز کمیشن بیرسٹر امجد ملک کی بیرون ملک مقیم پاکستانیوں کے مسائل کے حل بارے کاوشوں کو سراہا۔ اور انہیں عہدہ سنبھالنے پر مبارکباد دی۔ وائس چیئرمین اوورسیز پاکستانیز کمیشن بیرسٹر امجد ملک نے کہا کہ اوورسیز پاکستانیوں کے جائیداد اور دیگر ایشوز پر شکایات پورٹل پر وصول کی جاتی ہیں اور خصوصی عدالتوں میں اوورسیز کے کیسز کے جلد فیصلے کرانے کیلئے کردار ادا کررہے ہیں۔ انہوں نے کہا کہ لیگل ایجوکیشن اینڈ اے ڈی آر کمیٹی قانونی معاونت کیلئے اوورسیز کمیشن اور اوورسیز پاکستانیوں کردار ادا کر سکتی ہے ۔ چیئرمین لیگل ایجوکیشن اینڈ اے ڈی آر کمیٹی حسیب اللہ خان نے کمیشن اور اوورسیز پاکستانیوں کی قانونی معاملات میں معاونت اور آگاہی کیلئے سیمینارز اور تقاریب کے انعقاد کی یقین دہائی کرائی۔ وائس چیئرمین اوورسیز پاکستانیز کمیشن بیرسٹر امجد ملک نے وفد کے سربراہ حسیب اللہ خان کو سوونیئر پیش کیا جبکہ وفد نے چیئرمین اوورسیز پاکستانیز کمیشن پنجاب بیرسٹر امجد ملک کو پھولوں کا گلدستہ بھی پیش کیا۔
